Joan-Claudi Dugròs nos infòrma de la surtida dau noveu n° de la revista editada per Novelum.

Au somari, de las informacions , de las creacions originalas 100% en occitan:

- Enquera mai de libres dins las bibliotècas de Dordonha

- "Qual me farà fuèc?" per Frederic Fijac

- "Adiu Paniers" per Micheu Chapduelh

- "Vida de can, canha de vida", per Joan-Lois Orazio

- Quand l'estat figornha dins los borriers de l'istòria

- Avant prumiera: "Lenga d'almor", un filme de Patric Lavaud, per Jan-Peire Reidi

- Enric Capredon: 25 ans de militantisme desinteressat per Jaumeta Beauzetie

- "Meschanta rota" per Gilbert Borgés

- L'occitan dins los cors publics: "La tròia e sos tretze porcassons"  per Chantal Bourliot

- Toponimia: "E quauques autres noms dels ostals" per Joan Rigosta.

Per comandar la revista Paraulas de Novelum:

Abonament: 4 numeròs 15,00€. 8 numeròs 25,00€

Lo numerò: 5,00€

Los abonaments se paian per cheque a l'òrdre de NOVELUM, de mandar a:

NOVELUM, Centre Socio-Culturel, 95, route de Bordeaux 24430 Marsac sur L'isle.

 Quand il peut s’emparer de quelque chose à la main, il n’a pas besoin d’échelle.

C’est quelqu’un qui préfère les choses faciles. Le plus souvent, c’est même quelqu’un qui préfère «se servir chez les autres» (euphémisme pour dire «chaparder») que se contenter des fruits de son propre travail. Micheu CHAPDUELH.

D'autres expressions occitanes dans "Expressions et dictons du Périgord et du Limousin" par Michel Chadeuil , 13,50€ , Christine Bonneton Editeur, 17 , avenue Théophile Gauthier, 75016 Paris.

Commande possible sur le site de l'éditeur:

http://www.editions-bonneton.com/album/aquitaine.html

suivre le menu déroulant en 6ème position

Es arribat , lo noveu blògue en occitan dau jornau Sud-Oest Perigòrd!

Dempuei mai de dos mes , lo grope de trabalh de Novelum, seccion perigòrda de l' IEO preparava daus textes per vosautres e aurá , quo es fait , lo pitit es nascut! Grandmercès à Sud-Oest de nos aculhir sus son site.

Nòstre objectiu es de vos perpausar un contengut variat: las novelas de la creacion en Perigòrd ( espectacles , libres, CD , teatre...) e, de segur, la lenga (vocabulari , onte la parlar, etc...)

Daus braves fachilhiers-escriveires se son clinats sur son breç : Jaumeta Beauzetie, Micheu Chapduelh, Joan-Claudi Dugròs, Joan Ganhaire , Joan-Loís Leveque, Jan-Peire Reidi e Joan Ros van vos far partejar lor coneissença intima de la lenga e dau país de Perigòrd. Sem segurs que d'autres autors van nos segre.

Avem chausit de nos exprimar en occitan (lemosin e lengadocian) e en francès, per amor dau bilingüisme, una realitat dins nòstre departament, e tanben per balhar l'enveja a tot lo monde de contunhar a parlar la lenga, de començar o bentot de s'i tornar botar!

La Rubrica en òc se vòu duberta sus lo monde de sos legeires, podretz balhar vòstra opinion. Alaidonc, 'chabatz d'entrar , 'sietatz-vos a la taula e començam de platussar!

Nos fiam a vos per far conèisser quela iniciativa a vòstres amics e amorós de la lenga en Perigòrd o alhors. Pensatz a vos abonar a la letra d'informacions.

Bona legida a tots e a leu!

Denis Gilabert, animator dau grope de trabalh de Rubrica en òc